لعبة العميل الســـــري

زائر

اليوم عندي لـــكم لعبــــه انشاء الله تعجبـــكم ..

بس بما ان اللعبة فيهــا ( عميــــــل سري ) .... يعني تحتـــاج ذكاء شـــوي ..
فياريت اللي ما يمتاز بهالصفة يتكرم و يقوم بالخطوات التالية :
يقلب ويهه/و يورينا عرض اكتافه/ ويطلع برا الموضوع <== فديت أسلوبي اتيكيت (اتغشمر ترى)
والحمدالله كل واحد يعرف قدرات نفسه ..

واهم شي بهاذي اللعبــه هو تجاوبـــكم مع العميل
لكي نكتشـف العميــل السري من يكــــــــون ......؟؟ <== على وزن حبيبتي من تكون

:: اللعبـــه كالآتـــــــي ::

(((( قـــــــواعـــــد اللعبـــــــه )))) :

1- انا راح اختــار عضــــــو ... ويكون ذلك عبر إرســال رســاله خــاصه اليــه
وأقوله فيها أن تم اختيارك لكي تكون العميل السري .. وماراح أقولكم اسمه طبعا ً لأنه سري
وإذا قلتلكم اسمه راح يختفي عامل السرية <== بلا كلام فاضي دخلي بالموضوع

2- العضـــو اللي إختـــرتــه راح أسجــله في المنتدى بإسم ( العميــــل السري )
وسأقوم بدوري بإرسـال اسم المستخدم وكلمـة المرور اليــه ..

3-ودوركــم هو.. انكم توجهــون للعميل السري أسئلــة عشان تكتشفون من يكون ..
و بأســئلــتــكم وتكرار الاسئلـه عليه راح يتضح من هو العميــل السري ...!!
يعني مثلآ ( بأي الأقسام تشارك أكثر؟؟ ) ،، ( ذكر ولا انثى ؟) ،، ( مشرف او عضو ؟)
،، ( عدد مشاركاتك فوق الـ1000 أو تحتها ؟ ) ...وانتوا وهمتكم

4- العضــو اللي يحس انــه عرف ( العميـل السري )
يرسـل رســاله خاصه لي انا وليس لغيــري <==يعني شخصية
ويقولي بالرسالة إســم ( العميـــل ) أي العضـو المتخفي
ويجب أن لا يذكر اسم العضو من ضمن المشاركات بالموضوع ..

5- و على العميــل أن يجيب على الأسئلـــه بكل جديــه ..
كما يحق للعميــل أن لا يجـيب على الســؤال الذي سيكشـف امره ..
( مثال: كم عدد مشاركاتك بالضبط ؟ ) ( ماهو إسمك الحقيقي ؟) إلى ماهنالك <==

بس ما يصير يتجاهل كل الأسئله طبعا ً .. له الحق بأن يتجاهل 5 أسئلة

6- لا يحق للعميــل بأن يذكر شخصيــته لأي عضو من الأعضاء حتى لو كان صديقه

7- لا يحق للعميل بالمشاركة ببقية المواضيع .. يشارك بالموضوع هذا فقط ..

8- يحق للعميل بالمشاركة بإسمه الأصلي بالمنتدى ويوجه أسئلة لنفسه ليمنع الشبهة عنه

9- لا يحق للعميل بإعطاء معلومات كاذبة عن نفسه

10 -انا راح اقولــكم إسم العضــو الفائز اللي اكتشف العميل أول ما توصلني رسالته
ولما تكتشفون العميل الأول راح أختار عميل ثاني وراه .. وهكذا ودواليك<==أموت بالتأثيرات الأدبية

واتمنى من جميـــــع الأعضــاء عدم مخالفة الشــروط ..
وما أوصيكم لاتقولون اسم العميل هني بالموضوع لأن اللي يقول اسمه بالموضوع ماراح اعتمد إجابته
ويمكن أي أحد يقلد إجابته ويرسلها لي برسالة خاصة <== واللي من هالنوع كثار
وانا راح أحسب اللي يرسلي الرسالة أول هو الفائز

على فكرة اللعبة ملطوشة بس غيرت فيها وايد و ضفت عليها تعديلات

(( قولولي رايكم باللعبة و عطوني ردودكم بالموافقة عشان اختار العميل السري رقم 1 ))